GRAZAS AO EQUIPO DE EDUCACIÓN EMOCIONAL POR TER CREADO ESTA XORNADA DE CONVIVENCIA, AO PERSOAL DO IES DE MOS POR TER COMPARTIDO AS SÚAS FERMOSAS HISTORIAS DE EMIGRACIÓN E A RITA, ÓSCAR, EDU E ISMA POR EXPLICALO TAN BEN: TODAS SOMOS EMIGRANTES!
MES DA CIENCIA EN GALEGO
En xaneiro celebramos o mes da ciencia en galego. O obxectivo é demostra que a nosa lingua é útil e tan válida coma calquera outra para facer pescuda, ensino e divulgación científica. Con este fin, unha compañeira e un compañeiro de 4ºESO crearon un vídeo sobre a vida de Einstein, a partir do que creamos un xogo para empregar nas titorías. Para complementar esta actividade, falamos tamén sobre Mileva Maric, a parte invisible da Teoría da Relatividade. Invitamos a reflexionar sobre o seu papel no traballo polo que Einstein recibíu o premio Nobel, o trato recibido por parte do científico... O alumnado de 1º ESO A animouse a escribir cartas póndose no lugar de Mileva, como se ela as escribira agora, no 2024.
Comentarios
Publicar un comentario